Servicio Meteorologico Aruba (Meteo) ta pronostica cu Diadomingo anochi shelo lo ta levemente te parcialmente nubla y generalmente seco. Den marduga y dialuna mainta lo ta parcialmente nubla cu chens pa poco awasero local. Temperatura maximo lo ta 32 grado Celsius y temperatura minimo 24 grado Celsius. Potencial di awacero pa proximo 24 ora: menos cu 1 mm
Biento:
Biento lo ta zwak te modera for di direccion noord te noordoost cu forsa 2 te 4 (7 te 23 km/ora, 4 te 12 nudo). Temporalmente lo ta zwak y variabel cu forsa 1 (1 te 6 km/ora, 1 te 3 nudo)
Situacion general di tempo:
Den proximo 24 oranan un weer generalmente seco lo keda prevalese. Solamente den oranan di marduga y mainta trempan tin posibilidad pa awasero pasahero. Diferencianan chikito den presion di aire den area di Caribe ta pone cu biento ta supla zwak. Pa e di dos mita di siman biento lo lanta bek.
Condicion di lama:
Olanan di lama lo ta for di direccion oost- noordoost cu haltura di 5 te 8 pia; e olanan di mas halto lo ta na costanan oost, noord te Noordwest di e isla. Labaderanan cu ta bini for di noord- noordoost causa pa un area di presion abou riba oceano atlantico lo induci lama bastante bruto te bruto na nos costanan caminda olanan lo por ta den rango di 6 te 10 pia den proximo dianan. Un aviso pa boto chikito lo sigui ta na vigor pa e motibo aki. Ta pidi ocupantenan di boto chikito y usuarionan di lama pa tene esaki na cuenta.