Servicio Meteorologico di Aruba, METEO, ta pronostica cu shelo awe nochi lo ta parcialmente nubla cu un posibel awasero breve den marduga y mañan den dia parcialmente nubla compaña pa poco awasero local. Biento lo ta modera te basta fuerte for di generalmente direccion oost, cu forsa 3 te 5 (12 te 39 km/ora, 7 te 21 nudo). Den dia posiblemente fuerte den rafaga cu forsa 6 (40 te 50 km/ora, 22 te 27 nudo).
Situacion general di tempo pa e proximo 24 oranan:
Durante e proximo 24 oranan, humedad limita den region, laga atras pa un Ola Tropical, lo produci hopi nubia temporalmente. Principalmente den oranan di marduga y mainta trempan esaki por produci awasero local.
Condicion maritimo / estado di lama:
Ta spera un estado di lama leve te modera den e proximo 24 oranan. Olanan lo ta for di oost entre 3 pa 5 pia. E olanan di mas halto lo ta na e areanan oost te noordwest di costa.
Pronostico di tempo pa e proximo 3 dianan:
Shelo lo ta parcialmente nubla cu un chens riba awasero breve. Biento lo supla modera te basta fuerte den rafaga, for di direccion oost. Temperatura lo ta di 32max / 28min grado Celsius.
