Diamars, 23 di februari, e team tras di e software Payroll Pro HRM a pasa bishita e team di MetaCorp cu ta encarga pa traha cu Payroll Pro HRM.
E bishita aki tabata pa gradici MetaCorp di un manera special pa ta cliente fiel pa 25 aña caba.
MetaCorp ta un di e dunado di trabou mas grandi na Aruba, cu empleadonan na diferente subsidiario manera ATCO Aruba, ATCO Concrete Products, E. de Veer Chain Theatres (The Movies & Gloria), Brouwerij Nacional Balashi, EcoTech, EcoTech Free Zone, New York Laundry, y Tropical Bottling Company. MetaCorp tin sigur hopi aña di ta trahando y invertiendo den e economia di Aruba.
E team di Payroll Pro HRM a reuni cu Mr. Guus Slabbekoorn, Sra. Esmeralda Hernandez, Sra. Mirella Yarzagaray, Sra. Fanneska Dubero, Sra. Nikita Dirks, Mr. Gerald Thiel, Sra. Emeliën Kelly y Sra. Xiahaira Wernet y a obsekia nan cu un dushi bolo y un plakaat di gradicimento.
Giovanni Wester, support engineer di Payroll Pro HRM, ta comparti “Nos tin un cooperacion tremendo cu e team di MetaCorp y nos ta gradici nan pa e confiansa cu nan ta pone den nos software”.
Payroll Pro HRM ta un software cu ta wordo desaroya door di e compania local, Gamma IT Solutions.
E team di Payroll Pro HRM ta contento di por yama MetaCorp pa cliente y ta gradici nan pa escohe un producto local, esta Payroll Pro HRM.
