Mervin Wyatt-Ras durante conferencia di prensa a lamenta detencion di miembronan di prensa. E parlamentario ta trece padilanti cu prensa su rol ta pa duna informacion y tin biaha nos como politico no ta di acuerdo cu loke prensa ta trece dilanti di nos pero ta importante pa respeta prensa su rol. Den parlamento a firma e tratado di Chapultepec. Prensa mundial a reuni na Aruba y a bishita Parlamento e tempo ey. Aki por bisa cu prensa di Aruba tin proteccion internacional.
Den e caso aki ta pone miembronan di prensa den detencion sin pruebanan contundente. Mester wak bon con ta reacciona pasobra paisnan afo ta weita kico ta pasa na Aruba y ta pensa cu Aruba ta un banana republiek. Wyatt-Ras ta manda palabra di sosten pa Speed y Marko Espinosa. Mayan e por ta un otro miembro di prensa. E forma aki no ta e form di actua esta di persigui miembronan di prensa. Igualmente ta persegui directornan di departamento mientras nan ta gana nan caso manera p.e. e directora di MDC y sr. Staring di Volksgezondheid. A bolbe bek trabou. Gobierno ta kita hende foi trabou pa pone otro hende, nan hende. Esaki ta persecucion di nos hendenan y no ta democratico. Nos mester ta alerto si. Cada ken mester ta integro pero como gobierno mester ta cauteloso con ta trata hende paso bo ta danja nomber di hende inocente anto e persona en cuestion tin cu drecha su nomber durante full su bida. Gobierno aki ta persegui y kita hende foi trabou pa pone otro hende paso e suma di personal di gobierno a subi cu 10 % segun.
Pues ta kita pero ta pone mas cu a kita na trabou. Ta Spera cu gobierno recapacita paso no ta un manera husto pa trata nos hendenan. Mester respeta derecho di nos hendenan. Miembronan di prensa tin tarea di sumo importancia. Prensa den exterior tambe ta busca informacion di tur forma y como gobernante e lomba mester ta hancho pa wanta critica y no bai over den persegui ora cu ta haya critica. Spera esaki ta e fin pa por garantisa un bon estado di derecho na pais Aruba. Paso esnan den gobernacion ta papia cu boca grandi encuanto di estado di derecho mientras awor ta mina derecho di ser humano/ di prensa. Mester garantisa un bon estado di derecho. Ban traha na respeta opinion di otro y tambe di miembro di prensa. Di e manera ey por garantisa derecho pa un y tur na Aruba.
