Fraccion di MEP a dirigi un carta na minister presidente unda ta urgi gobierno pa tuma e pasonan necesario pa garantisa e integridad y bon nomber di Controlaria General ta sigui na halto.
Sinembargo dialuna mes, Frederick Nuboer, kende den e fin di siman cu a pasa tabatin un conducta no apropia na momento cu el a bay cumpra un hamburger, a tuma e honor na su mes y a entrega su peticion di retiro na S.E. Gobernador, cu actualmente ta den deliberacion. Esaki den cuadro di bon gobernacion y funcionamento di Contraloraia General cu mester keda garantisa.
Riba e hecho aki, Shailiny Tromp-Lee, lider di fraccion di MEP, a comenta durante di un rueda di prensa cu nan ta aplaudi e hecho di por a tende cu Nuboer a subraya tur e hermentnan cu nan mes como organisacion a bin ta incorpora pa por garantisa integridad, confiansa, tambe cu nan por haci nan trabao debidamente sin keda cuestiona riba tereno cu no ta ni relevante pa e colegio importante aki.
Tromp-Lee ta contento pasobra Nuboer a duna contenido y balor na e codigo di conducta cu nan a stipula na 2020. Un codigo di conducta cu ta bisa cu cada miembro di colegio, cada miembro di secretariado, cada trahado, y ken cu ta cu bin pa traha pa Contraloria General, tin cu firma esaki cu e ta debidamente na altura di e contenido y cu na tur momento tin cu cumpli cu esaki.
