Recientemente a bini dilanti cu un coordinado di minister ta envolvi den saca dos trahado for di Aruba despues di cinco luna sin pago. Den e caso aki ta tilda ambos Terry Gumbs como tambe Naipol Ramadar di trece trahado di afo pa Aruba cu promesanan falso. E supuesto acuerdo tabata ta pa trece dos trahado for di Colombia pa Aruba pa traha na STR Agriculture Aruba y como recompensa un salario digno cu un luga di drumi. Na momento cu a yega pa paga despues di cinco luna a dicidi di cumpra pasashi pa ambos pa manda nan bek Colombia sin pago.
Nos a haci e pregunta na parlamentario di fraccion di MEP Shailiny Tromp-Lee con por ta posibel cu Terry Gumbs por ta traha pa gobierno na oficina di gobierno na San Nicolas, ta coordinado di minister-president y henter e gabinete, anto tambe ta tramitado di papel pa stranhero, esaki no ta algo cu lo mester ta bao encargo di otro hende, of hasta posibel mes cu e por ta hinca den otro asina.
Parlamentario Tromp-Lee no a compronde e pregunta of secuencia riba e trabaonan di Terry, un noticia cu segun e lo mester elabora mas extenso riba esaki pasobra no ta compronde e pregunta ni kico kier pa contesta. “Cu e ta coordinado di henter e gabinete esey si mi no ta di acuerdo cu bo, y cu e ta tramita papel, mi no sa precisamente na kico ta referi, lo ta bon pa acerca su persona en cuestion.”
