Riba invitacion di maestronan di Tra‘i Merdia, Addonsito Croes, autor di e revista infantil Kiniki, a bishita y lesa storia pa e grupo di alumnonan. E dia aki, Addonsito a conta e storia di e “competencia entre e Yuwana y e Santanero” saca for di e buki “Wawa den Mondi” di Ernesto Rozenstandt dfm.
Despues di e contamento di storia cada alumno, a haya chens di pinta e storia segun nan fantasia.
Na final e grupo di maestro entusiasma a gradici Addonsito pa e tempo dedica na tur mucha di Tra‘i Merdia Conrado Coronel.
