Laboratorio Medlab Aruba ta expande su disponibilidad y accesibilidad na e comunidad y tur asegurado di AZV cu un localidad moderno serca di Benu Pharmacy y IMSAN na San Nicolas. Asina por sigui brinda e pashent den diferente districto manera; Pos Chiquito, Savaneta, Brazil, Lago Heights, y Colony cu un servicio di laboratorio acredita y certifica.
E localidad nobo ta ofrece tur tipo di servicio cu ta inclui; test di sanger, orina, feces, sucu, cholesterol, alergia, STD, diabetes, test di droga y alcohol, hematologia, hormona, hepatitis, tumor markers, test di tiroides, test di sanger contra cancer di prostaat, y mas. Alabes ta inclui servicio di test di COVID-19 (PCR/ Antigen) pa persona cu ta di biahe.
Ta acepta tur verwijsbrief y/of carta di dokter, specialista, partera, pashent di AZV (Dr. Horacio Oduber HOH/ Instituto Medico San Nicolas IMSAN), y/of pashent priva.
Orario di disponibilidad ta di Dialuna pa Diabierna entre 6:30or pa 11or di mainta, e unico laboratorio pariba di brug cu ta habri ariba Diasabra di 7or pa 11or di mainta, Diadomingo e localidad ta sera.
Un invitacion ta bai na e comunidad di Aruba pa pasa bishita y sera conoci cu Medlab Centro Medico, San Nicolas.
Medlab Aruba ta un laboratorio funda na 1991 cu 30 aña di experiencia brindando e servicio na pais Aruba y ta Acredita ISO 15189 y Certifica ISO 9001. Asegurando resultado di calidad, oportuno, y di confianza.
Medlab ta sigui innova y inverti den desaroyo den cuido medico na Aruba por medio di creacion y cuponan di trabou pa sigui contribui den e bienestar y progreso di Aruba y Caribe.
Pa mas informacion por tuma contacto na 5861600, Medlab Centro Medico 5975540, WhatsApp Customer Service 5975544, email: [email protected],. Bishita nos website www.lab.aw, y sigui nos ariba Facebook y Instagram: Laboratorio Medlab.
