Mc William: No por sigui hasi “contactracing” pa COVID 19 sin yudansa di teknologia mas

584

Algun siman pasa Kòrsou a su kasonan di COVID19 ta oumentando despues di un promé fase eksitoso kaminda ku gobièrnu mester a tuma medidanan drástiko pa kontené e vírùs ku a impakto negativo riba nos ekonomia i turismo. Aktualmente ta pidi pa kada un di nos purba limitá nos kontaktonan i keda kas mas tantu ta posibel i sòru pa tin un bon bista ku ken ta e personanan ku bo ta atendé ku’ne.

Den praktiká nos ta mira ku tur e esfuersonan ku Dr Gestherbluth i su tim ta hasiendo no ta logra pega pa stòp e kadena di kontagionan. E “contact tracing “manual aki ta ser apliká segun konsenshi i esfuerso di kada persona individualmente miéntras  ku e ta un trabou sobre humano den un pais ku nos ke sigui purba mantené nos ritmo diario den e limitashonnan ku COVID-19 a trese kun’e.

E úniko manera ku nos por bai e “next level” ta pa kada siudadanonan mantené nan mes na e reglanan pa ku COVID-19 i introdusí un app di telefòn manehá pa Gobièrnu ku por hasi e contact tracing pa nos i turistanan atraves di e sistema di  ‘bluetooth’ aki i asina yuda metigá  e plamamentu di e vírùs riba nos isla. Ku e mesun app aki tin aplikashonnan ku tin e posibilidat ku e usuario por yuda identifiká si e tin e vírùs aki i asina dor di un manera direkto i rápido hasi e kontakto ku profeshonal médiko i asina yuda metigá e plamamentu di e vírùs aki.

E “contact tracing”  ta un di mekanismo mas importante pa atendé ku malesanan di transmishon manera COVID-19.

Den kuadro di esaki konforme artíkulo 96 di nos reglamento di òrdu mi tin e siguiente preguntanan na Minister di Salubridat Públiko, Medio Ambiente i Naturalesa

1. Minister ta na altura ku via di sistema di teknologia moderno por hasi “contact tracing “ app? 2.Tin e pensamentu pa yega na un aplikashon manera a ser indiká?