Awe marduga a yega un vuelo Air Ambulance for di Corsou pa Aruba, cu un pashent mester drenta e unidad di cuido intensivo na hospital. Mester menciona cu di siman pasa Curacao Medical Center (CMC) a cera un acuerdo cu Dr. Horacio E. Oduber Hospital (HOH) pa tuma pashentnan di Corsou na Aruba. Na un prome instante a acorda cu lo manda seis pashent pa nos isla.
Mientras cu Corsou a anuncia cu nan tin 120 pashent contagia cu Covid-19 interna den Curacao Medical Center, na Aruba nos isla tin 39 pashent interna, di cual 12 ta den cuido intensivo. Door di haci adaptacion den nos programa di cuido, Aruba awo por ofrece Corsou 30 cama riba afdeling regular y 6 cama riba ICU.
