E ciudad di Doral ta un ‘sister city’ cu Oranjestad di Aruba. Ralph Romsom ta un di e promotornan cu ta para fuerte tras di e intercambio entre e dos ciudadnan. Nos a combersa cu ne tambe na e celebracion di Dia di Rey na Miami pa sa con ta bayendo cu e proyecto di Sister City entre Aruba y Doral.
Romsom ta splica cu e proyecto ta birando mas grandi. E idea tras di e asociacion ta pa activa e diaspora na Aruba pa ta mas activo. E problema cu kier soluciona mastanto ta cu e hecho cu ‘buitenlandse zaken’ ta algo cu Hulanda mester encarga su mes cu ne na nomber di e islanan pafo di Reino. Esey ta pone cu no tin un rol pa hunga tanto na Aruba y den Reino, eynan tin un buraco cu por yena.
“Caminda si nos alinea nos mes cu ciudadnan prominente na Merca, manera Doral of Boston, Texas. Nos ta bezig cu Kingston na New York caminda tin Rubiano contribuyendo cu nada, den aire, nan no ta participa den avanse di Aruba.”
EVOLUCION DI ‘CAHA DI ORGEL’
Romsom ta bisa nos cu e ta creciendo, tin mas hende cu ta on-board aworaki y ta haciendo cierto proyecto pa hala hende pa mira e potencial di e sister-cities agreements y platforms cu a cuminsa cu ne casi nuebe aña pasa caba. Na Aruba y Corsou tin un instrumento hopi popular, masha tipico mes na actividadnan cultural no por sin dje cual ta e caha di orgel, e ta crusando frontera.
“Semper nos tabata tin di tools pa saca nos cara, nos tin nos piano, pero nada unico cu ta netamente di Aruba of islanan ABC.” Despues di haci huiswerk, tin algun caha di orgel na Merca den cashi hinca di famianan cu kisas a cumpra uno of den museo di musica, e no ta riba caya, ningun hende ta tende di dje anto e ta un zonido di nos. Rufo Wever y hopi mas a pone esey riba mapa na Aruba. E ta keda un instrumento di pasado, y Aruba tin cu profila su mes como isla di futuro, dus Romsom a bisa cu nan a partner cu un artista contemporario Muu Blanco cu ta un artista cu ta incorpora zonido y inteligencia artificial den su disciplina artistico. Esaki ta bay cambia e caha di orgel y eleva esaki pa algo otro.
E idea ta pa eleva Oranjestad y Aruba completo, pero reviva e caha di orgel anto haci esaki algo pa exporta.
Tur loke ta bon na Aruba, ta keda exporta na Merca, y con e ta haci ta cuminsa na lesa noticianan y informacionnan positivo di Aruba, anto purba di amplifica esaki y promove esey.
Tin por ehempel Massive Brassband cu a bay te na Orlando pa haci algo bunita, dus ta opta pa haci mas pa musica di asambleo y pone den un spotlight mas caminda musica di Aruba ta bira mas conoci y bay bek Aruba pa mustra con festivo e isla ta. Den un colaboracion entre Oranjestad Aruba Sister City Association hunto cu Lucid Pianos cu ta transforma piano y haci nan mas bunita, den man di Rubiano y maestro Elias Alabi cu ta un di e poco cu ta traha caha di orgel na Aruba – a bini hunto pa transforma algun monumento na Oranjestad den kader di 200 aña di Oranjestad. Cumisando cu e museo arkeologico na Aruba y exporta esaki na Doral pa tin e tools cu falta pa toca West Palm Beach te cu Key West. Pa hiba e zonido caminda e instrument no ta conoci. E aña aki specifico e proyecto aki ta bay cuminsa duna su fruto.
