Diaranson marduga, pa 3:15am, e patruya di Polis di Noord tabata pasando dilanti Lekker Bar & Restaurant y a nota varios auto para eyfo. Como cu e Polisnan sa cu nan permiso ta te cu 3:00am, a dicidi di baha pa controla si nan ta cera.
Drentando e porta di e Bar, a conta mas o menos 35 cliente sinta na Bar bebiendo ainda. Mesora a bay na e Manager y a duna e establecimento un multa pa pasa nan orario di cierre. Esaki no ta prome bes cu Polis ta atende e mesun Bar pa kedamento habri despues di e ora permiti den nan permiso. Ministerio Publico hopi bes ta acomula e multanan aki y despues ta tuma medidanan hopi ma estricto.
