Recientemente Parlamento a ricibi for di Gobierno un concepto di ley pa cambio den e ley di overbruggingstoelage “Landsverordening tot wijziging van de landsverordening voorzieningen gewezen politieke ambtsdragers en hun nabestaanden (AB 2010 no. 91) (ZJ 2021-2022 967)”. Eyden gobierno ta propone pa cambia e ley di overbruggingstoelage pa paga ex-politiconan desde e fecha cu ta nan ultimo dia di trabou y pa colmo cu “forsa retroactivo”. E cambio specifico aki ta pa por acomoda e 13 parlamentarionan cu desde 8 di juli 2021 no t’ey mas den Parlamento y e 3 ministernan cu desde 20 di september 2021 no ta minister mas.
Miembro di Parlamento, drs. Marisol J. Lopez-Tromp a lansa un serie di pregunta dirigi na Minister di Finansas, Economía y Cultura, mr. Xiomara Maduro, conforme articulo III.17 di Staatsregeling y conforme articulo 59 di Reglement van Orde van de Staten van Aruba.
E prome pregunta ta: Kico ta e urgencia di gobierno pa bin cu e cambio di ley existente cu ta regla overbruggingstoelage y cu forsa retroactivo pa e politiconan cu a retira den 2021? Tambe e parlamentario kier sa kico ta e motibo(nan) cu gobierno kier pa cambia e ley aki pa e situacion specifico di aña pasa 2021 y no pa tur e otro ex-miembronan di parlamento y ex-ministernan cu a pasa den e mesun situacion?
Mas leu, Fraccion di MAS kier pa Minister di Finansa y Departamento di Finansa informa parlamento si e pagonan efectua na e ex-politiconan aki tabata segun cu e ley actual ta stipula? Kier tambe pa e minister informa parlamento, cu contrario na e ley actual, si a efectua e pagonan desde e dia cu ex-politiconan aki a retira for di nan funcion, esta pa e ex-parlamentarionan dia 8 di juli 2021 y pa e ex-ministernan dia 20 di september 2021? Of si e tabata segun e ley actual, cu ta efectua pago desde e luna siguiente?
Marisol Lopez-Tromp kier sa desde ki fecha exacto Minister di Finansa y Departamento di Finansa a pone cu mester a paga e overbruggingstoelage di e ex-parlamentarionan y ex-ministernan cu a retira den 2021. Kier pa Minister di Finansa y Departamento di Finansa sigura parlamento cu gobierno a cumpli cu e ley cu ta regla e overbruggingstoelage exacto manera cu e ta stipula actualmente.
Loading…
Reload document 
Open in new tab For di fraccion di MAS nan kier pa Minister di Finansa informa parlamento ken a duna e aprobacion na Departamento di Finansa pa paga overbruggingstoelages na juli 2021 na e ex-parlamentarionan y na september 2021 na e ex-Ministernan. Kier pa contesta for di cua “post” a boek esakinan y cua ta e base legal cu Minister di Finansa a uza pa duna ordo pa efectua e pagonan aki. Kier pa e mandatario por splica detayadamente pakico kier pa paga e overbruggingsuitkering aki cu forsa retroactivo.
