Recientemente e ekipo di softball Maria Maai Boys, a batisa nan uniform nobo. E ekipo ta consisti di yiu di e ex-hungadonan di e ekipo y nan tin un bon sosten nan tras, esta Oscar Thiel.
E ta conta cu den pasado e ekipo tabata activo, pero un problema cu nan a topa cu ne, ta caminda cu e doño di tereno a pidi esaki bek. E tereno a keda hopi aña inactivo. Awo e tereno algun tempo caba ta den funcion.
Mirando cu tabata den temporada di pandemia, a bin cu e idea pa lanta un team di Maria Maai.
E entusiasmo pa hunga ta grandi y e hobennan tin hopi smaak y apoyo tin pa e hobennan aki bay p’adilanti.
Thiel ta desea di curason pa e hobennan corda cu e palabra disciplina ta mara na e palabra deporte. Esta comunica cu otro, pa asina e team no perde pa default. Keda deportivamente cu otro.
Maria Maai Boys ta existi por lo menos 6 luna y ta cla pa cualkier wega. Nan a hunga Bush League, pero den torneonan asina no, mirando cu a lanta e team den e temporada di pandemia. Segun Thiel ta evaluando pa hunga den bond, pero ta dunando e team espacio, mirando cu ta awo a fund’e
