En conexion cu e proyecto di e materia ASW, ‘Mi Herencia’, e docentenan a organisa un bus tour unda nos alumnonan a logra bishita diferente monumento y museo na Playa
y den districto di San Nicolas. E alumnonan a haya un splicacion amplio di e historia di e monumentonan.
E proyecto aki ta parti di e proyecto grandi di ‘Maria gaat op reis’ cu ta un plataforma unda nos alumnonan por demonstra nan creatividad y practica e habilidadnan di siglo 21 cu ta un aspecto importante den vision di Maria College Mavo. Banda di esaki e ta crea mas aprecio pa cu e cuido di nos herencia cultural.
E producto final di e proyecto aki lo bira replicanan di varios monumento cu e alumnonan lo bai traha cu e informacion cu nan a haya. Juff van den Berg y juff Heyliger kier a gradici sra. Valerie Willer y otro represenantenan di Fundacion Museo Aruba
cu a haci un tremendo trabou durante e tour. E salida aki a logra spierta un curiosidad serca nos alumnonan.
