Defintivamente no por compara SEH (Spoed Eisende Hulp) cu ImSan. E populacion di SEH ta hopi mas halto cu e populacion cu ImSan ta mira.
Segun Gina Maduro di ABV, SEH ta un verlengde arm pa ImSan. Imsan ta limita den servicio di laboratorio y den radiologia. Pashentnan berdad ta yega ImSan, pero ImSan mes ta verwijs e pashentnan pa SEH, mirando cu nan falta radiologia y laboratorio 24/7. Nan mes por duna mita servicio, pasobra nan no por completa e servicio.
Bastante pashent ta wordo pasa pa SEH den dia, atardi y anochi. Pashentnan cu por bin cu nan propio auto, ta bay cu nan auto. Hopi biaha ta wordo transporta cu ambulance.
Maduro a sigui splica cu ta mas lihe pa bay ImSan, pero toch bo ta limita si tin un fractura. No tin un radiologia pa saca potret. Ta double stop como pashent, pa bay prome na ImSan. Ora cu evalua door di un dokter, y toch ta manda pa emergencia pa un potret.
Wardamento
Tur pashent cu bay emergencia ta wordo registra prome y ta wordo mira via triage. Meten is Weten. Bo no por solamente para pafo na balie y bisa unda tin cu bay. Mester check temperatura, mester check presion, mester check pols, mester check saturatie, haci preguntanan standard. Esey tin cu haci’e den e triage ruimte y no na balie. Tur pashent ta pasa e proceso di triage y ta eynan e ta wordo gescreen y categorisa pa wak su emergencia.
Unico meta di triage ta, urgentie bepalen.
Kico ta e problema compara cu Hulanda?
Na Hulanda tin un HAP (Huisartsenpost) cu ta 24 ora habri. Eynan ta net al contrario di loke ta sosode na Aruba. Na Aruba tur hende ta bay SEH y nan ta evalua si ta bay dokter di cas of no. Na Hulanda ta net robes. Pashent ta yega na HAP prome y e dokter di cas ta evalua e pashent y e ta verwijs e pashent y no contrario.
Loke ta pasando na Aruba ta net robes. Tin e dokternan di cas (eerste lijn). Tin 44 pa 45 dokter di cas na Aruba. Tin esunnan den opleiding. E dokter di cas ta traha cu un cantidad di pashent den dia. Tin e HAP cu ta habri limita. Ora cu HAP ta habri, ta un poco alivio pa departamento di emergencia. Pero ora cu 10’or of 11’or di anochi cu HAP cera, unico por ta cu ta habri ta SEH. E ta bira un SEH/HAP/Opvang centrum. Tin cu soluciona problema di henter Aruba, segun Maduro.
Mensahe pa miembronan di ABV
Maduro a splica cu a accentua tur punto. Lo manda nan carta oficialmente cu nan puntonan di mehoracion. Prome cos ta cu e balie lo wordo cera. Esey ta un punto cu lo wordo haci mas lihe posibel. Atrobe, esnan envolvi mester evalua pa wak con nan ta cer’e.
E parti di minister, a notifica como ABV, cu e siman aki e lo sinta pa prome biaha cu Raad van Toezicht, cu ta e Raad cu ta supervisa e Raad van Bestuur, unda cu eynan lo bay tin dienstopdracht mas lihe posibel, unda cu lo acorda e funcionnan, e FTA’snan cu falta den e departamento di emergencia. Esey ta un prioridad halto awor aki.
Un otro punto ta evalua e parti di siguridad. Como ABV a boga pa e parti di siguridad pa servicio di hospital, pa duna nan miho entrenamento, etc. E ora tin un grip riba nan pasobra ta personal propio, en bes pa tin un compania priva cu tur dia un cara nobo.
Deadline pa situacion di glas
A haya alomenos un contesta positivo riba e situacion di glas. For di comienso sindicato a manda nan carta di protesta cu nan ta contra di un openbalie. Pero e peticion no a wordo honra. Den leiding tambe tin e klustermanager, cu ta Inneke Hartmans cu tambe ta sostene e sindicato. E tin hopi tempo pa boga pa tur e puntonan aki treci dilanti. Cada biaha ta wordo nenga. Ora cu tin cu bin duna informacion, p’e tambe ta frustrante pa bin bisa e mesun informacion negativo, loke tur sa kico e ta y e tambe ta para tras di e sindicato. Maduro ta contento cu por fin el a haya su oido.
