Dialuna no a habri bon pa un grupo di trahado. Nan a haya mes den un problema ora cu un cargamento di palo a cay for di e vehiculo.
E vehiculo a caba di pasa e rotonde pariba di Ex-Codemsa ora cu e cargamento grandi di palo a move den e maniobra y parti di esaki a cay. E situacion aki a causa cu e trafico a paralisa.
Chauffeurnan cu a mira kico a pasa a pone polis na altura di e situacion. Un patruya a presenta y cera e caminda na e rotonde
parcialmente y mas pariba tambe a desvia e trafico di Cumana pa Meiveld. Despues di 45 minuut e grupo presente a logra move tur cos y separa e carga den dos truck. Asina por a habri e caminda bek pa trafico.