Diabierna e ekipo di 24ora.com a papia cu mama di Deaxo Croes kende lo ta landando diasabra marduga for di Boneiro pa Corsou. Su mama a splica cu henter e reto aki ta uno hopi emocional pe. Na ningun momento e no a stroba Deaxo di cumpli cu su pasion, pero como mama e no ta facil pa mira bo yui den awa. Ta hopi cos ta pasa den mente.
Mama di deaxo a biaha pa Boneiro cu avion y lo ta biahando tambe pa Corsou diasabra cu avion. Esaki ta tanto pa su mes como pa Deaxo, mirando cu e lo ta extra nervioso y Deaxo tambe lo tin un peso riba su mes. Esaki ta debi cu Deaxo lo ta pensando con e ‘state of mind’ di su mama ta abordo di e boto.
Durante e buelo, Sra. Tita lo hasi un peticion special na e piloto pa mira si lo por bula riba e ruta pa mira su yui for di halto. Por click pa mira e entrevista completo aki for di Boneiro. E cobertura di Crossing for Prevention ta posibel danki na Aruba Bank, Bite Communications, Cr3@te, Gomez & Coffie, Sun Bum y Central Hotel Bonaire.
