Siman pasa un tata y mama di un yiu menor di edad, a presenta na Warda di Polis Santa Cruz pa bishita nan ser keri cu ta cera. Manera ta custumber, ora un menor di edad ta cera, e tin derecho pa tur dia ricibi bishita di su mayornan so. Tin Warda di Polis ta laga e mayornan bay te na cel, mientras cu otro Wardanan di Polis ta trece e detenido dilanti pa ey e topa cu su mama y/of tata. Na Warda di Santa Cruz a permiti e mama y tata cana bay patras den cel pa por a papia cu nan yiu di inicial D. Un rato despues a haya holo fuerte di marihuana for di den gang di e compleho di celnan. Polis a bay controla e tata y den su jockey a haya 1 sigaria di Marihuana, mientras cu ora a controla e mama a haya 4 sigaria di marihuana den su panty. Den su BH a haya 2 bals y 2 mangel tambe. Polis a informa ambos mayor, cu mirando locual nan a haci aki cu no ta permiti nan pa mira nan yiu mas por lo pronto cu e ta cera den cel di Warda di Polis.
