Presidente di Venezuela, Nicolas Maduro, a bisa diabierna, cu su Gobierno ta prepara pa entrenta na un potencial conflicto arma “hunto cu pueblo” ante e “golpi di Estado” cual e ta sigura cu Merca ta lidera y a anuncia cu na Februari lo haci ehercisionan militar.
Den un rueda di prensa for di e palacio presidencial di Miraflores, Maduro a pidi pa reacciona ante “e conflicto cu por presenta “ya cu “nan a bisa cu nan lo bay infiltra e marines den Caracas (…), bueno, den cada ciudad, den cada pueblo, plan di defensa, di reaccion, di combate y di victoria.”
El a señala cu tur esnan cu kier e “patria” mester prepara pa e defende: “Y e forsanan militar Venezolano tin ehercicio di dia 10 pa dia 15 di Februari.
El a sigur, cu e ehercicionan aki FANB lo bay “riba e etapa mas eleva y superior” cu nunca antes e institucion Castrense tabata tin.
“Ehercicionan di compenetracion teritorial, di defensa antiaereo di penetracion profundo, di defensa di e costanan, di defensa di e riunan, di defensa di e obhetivonan strategico di Venezuela, di mobilisacion civico militar di accion conhunto,” el a splica y a agrega cu esaki FANB lo haci y “henter e pueblo Venezolano converti den un milicia.”
Tambe, el a exhorta e militarnan na plantea cu curashi ante e potencial enemigo. “Ningun hende ta respeta e debilnan, e traidornan, e cobardonnan, na esnan cu ta duda, ningun hende ta respeta e basilantenan den e mundo aki cu nos ta biba aden, aki ta respeta e fuertenan, e balantenan, esnan cu ta planta, na enan cu tin e uniform bisti cu honor y ta dispuesto pa cumpli cu nan huramento cu nan propio bida,” el a bisa.
El a señala cu aunke “ningun hende ta prepara” y “ningun hende kier” un conflicto arma, no tin espacio pa rindi of “traiciona” e pais.
E gobernante a haci e anuncio aki dos dia despues cu e hefe di Parlamento Venezolano, Juan Guaido, a hura asumi e competencianan di e Ehecutivo como presidente interino argumentanto cu ta ampara den e articulonan 233, 333 y 350 di e Constitucion y tras di desconoce Maduro kende e ta tilda di “usurpador.”
