Si departamentonan di gobierno mes no ta worry cu tene respet na nos bandera, anto nos ta den problema. Gobierno ta e prome pa duna ehempel. Djis pega bandera di bo pais na palo di lus y anochi sin lus, ta un falta di respet.
Tur bandera di Aruba cu keda na halto despues cu solo baha mester tin iluminacion riba dje. Riba Linear Park ta varios yamada a drenta di pueblo atento. Nan a mira cu varios palo di lus tin bandera pero no tin iluminacion riba nan.
Pa colmo ta e luna su claridad ta scapa e berguensa pa esnan cu mester ta responsabel pa e iluminacion. Asina mes esey no ta suficiente. Varios bandera den scuridad ta mas bien un bofta den cara di nos pais.
