Diamars anochi alrededor di 10:10 pm a sosode un caso di losmento di tiro den e cayanan di Jaburibari, pa ta exacto; den Caya Fransebloem. Segun algun testigo, un individuo a pasa y los tiro riba un cas. Berdad, na un cas den Caya Fransebloem, a topa cu un auto staciona den cura cu dos perforacion di bala.
Pa su mala suerte; un pareha den un Toyota Tercel a nota ora e homber tabata los tiro riba e cas. E homber arma a los tiro riba e Tercel tambe. E chauffeur di e Tercel a trot y core sali for di e casnan di pueblo na Jaburibari. Na Tesco Foodmart, polis a topa cu e auto y e perforacion na e auto. A tuma tur informacion necesario y a notifica e team forensico di polis. Recherche a presenta p’asina cuminsa cu e proceso investigativo. Na final a confisca e Tercel pendiente investigacion.
Den Caya Fransebloem tambe a confisca e auto cu a ricibi perforacion, por lo menos dos perforacion. Team di aresto a cuminsa cu un buskeda den e area pero sin resultado.
