Uruguay, bi campeon mundial (1930 y 1950) y Francia, tambe un campeon mundial (1998), ta habri e cuartonan di final di e Copa Mundial aki di FIFA Rusia 2018, cu un encuentro a priori y por ta lo ta un dia di reencuentro.
Por ehempel Antoine Griezmann y Lucas Hernandez hunto cu Diego Godin y Josema Gimenez, su compañeronan den Atletico of Edinson Cavani cu Kylian Mbappe, su socio den atake di PSG. precisamente e principal duda di La Celeste ta “El Matador”, autor di un doblete contra Portugal, prome cu el a retira lesiona.
Ambos ekipo a yega invicto na e encuentro aki entre campeonnan di mundo. Uruguay ta conta su partidonan pa victoria y solo nan a wanta un gol den henter e torneo, mientras cu Le Blues a laga Argentina domina den un partido espectacular.
Francia ta confia den e olfato di su delanteronan pa sigui cu e racha contra e ekiponan Sur Americano: nan no a perde ningun di su ultimo 9 encuentronan mundialista contra seleccionnan di CONMEBOL. Claro cu Uruguay tambe tin fe riba e otro estadistica: loke ta bisa cu di e seis ocasionnan anterior unda cu La Celeste a keda entre e 8 miho seleccionnan di e planeta, solamente uno mester a prepara nan maleta rumbo cas
FIFA©
