Minister Ruiz ta anuncia aumento di prijs di gas

706

Relaciona cu e cambio den nos sistema di impuesto, cu introduccion di BAVP, Minister di Finansa, Asuntonan Economico y Cultura, Xiomara Ruiz-Maduro, ta anuncia aumento den prijs di gas domestico.

E prijs a subi di Afl. 44,46 pa cilinder di gas di 100 liber, pa bira awor Afl. 46,38. E prijs nobo ta inclui BBO, BAZV y BAVP.

Ta bon pa aclaria cu prijs di gas ta subsidia dor di Gobierno. E ta subsidia, aunke Gobierno ta inclui e subsidio den accijns di gasolin, diesel y kerosin. Pues cada biaha e chauffeur yena combustibel, e ta pagando na mes momento (parcialmente) pa su butishi di gas na cas.