E tema di VUT den e ultimo dianan aki ta den boca di pueblo. Prome Minister a tene un rueda di prensa, pa asina duna mas splicacion riba esaki. Mientras tanto Departamento di Recurso Humano, tambe a tene un rueda di prensa, unda cu nan a splica riba e aplicacion di VUT y tambe kico lo ta e efecto definitivo e aña aki riba gastonan di personal, despues cu e grupo di 80 empleado di gobierno cu a baha cu VUT, ricibi nan ultimo pago.
Kico mas por sosode
Bo ta keda baha e personal, pero bo ta keda tin mester di hende. Riba esaki, directora di DRH, Omaira Lares, ta parti di un maneho cu prome minister a anuncia den prensa den e ultimo simannan cu a pasa. DRH ta un uitvoerend orgaan y conseheronan di gobierno pa kico lo por haci. Na momento di tuma un decision, con pa baha e gasto di personal, e ta keda na prerogativa y informacion for di Prome Minister.
Demanda
Tin departamento cu ta pidi pa mas trahado. Tin di nan falta trahado, pa motibo cu contractnan ta caba, of hendenan ta baha cu pensioen of ampliacion di trabao. Esey ta loke cu DRH ta monitor hunto cu Directie Financien, pa wak tur e tipo di contract y peticionnan cu tin y mira si nan ta necesario pa wordo alarga of pa hendenan wordo tuma den servicio.
