Aruba: Sociaal Crisis Plan ta den su ultimo fase pa finalisa cu e prome reportahe di aña 2021. E reportahe aki ta tuma luga tur aña y ta cubri tur desaroyo di tur socio y tur proyecto activo. No obstante e pandemia di COVID-19 a logra acumula tur informacion pa asina por finalisa esaki.
Sociaal Crisis Plan y hunto cu tur socio ta trahando diligentemente na e sistema nacional di proteccion di tur mucha na Aruba. Un di metanan primordial den e programa di Sociaal Crisis Plan pa Bureau Sostenemi y Directie Voogdijraad, cu ta atende cu casonan di posibel abuso di mucha y hoben, ta reduci nan lista di espera. Pa por a yega na e resultadonan mester a adkiri personal profesional pa por a atende cu casonan cu tabata riba lista di espera. Despues trabounan incansabel ambos socio a logra nan meta cu resultado significante!
Bureau Sostenemi a reduci nan lista di espera di 381 caso pa 56 caso, actualmente y ta premira cu pa luna di juli 2021 e casonan aki lo wordo kita for di e lista por completo. Esaki ta un reduccion di 85% di caso cu tabata riba lista di espera. Ademas, ta trahando ariba tur caso cu tin un retraso administrativo pa asina completa e lista aki den luna di juli venidero.
Bureau Sostenemi a experiencia algun cambio den aña 2020 y ta trahando mas eficiente caminda ta procesa reportahenan den 5 dia di trabou. Esaki ta pone cu no tin lista di espera mas.
Na Directie Voogdijraad por a observa e mesun desaroyo caminda reduci e lista di espera for di 116 caso pa 60 caso, un reduccion di 46%. Alabes a cera un total di 357 caso na fin di aña 2020. No obstante cu a perde algun personal den servicio a logra nan meta pa reduci e cantidad di caso riba lista di espera.
Pa mas informacion di reportahe di Sociaal Crisis Plan por tuma contacto libremente na 5281100 of manda un mensahe ariba Facebook. reportahe lo ta publica riba website di Sociaal Crisis Plan asina cu caba cu ne.
