E situacion di COVID-19 den hospital ta escalando. Husto na momento cu Hulanda ta exigi pa baha gastonan di AZV cu 5 miyon florin pa luna. E situacion aki a pone lider di AVP Mike Eman pidi un reunion cu director di dr. Horacio Oduber Hospital pa mira con e ta mira e situacion y kico ta solucionnan cu por bini cu ne.
Eman tabata compaña pa parlamentario Mervin Wyatt Ras. A haya un recorido den e areanan di hospital y por a haya un splicacion di tur e proceduranan pa protege no solamente e pashentnan pero e trahadonan di cuido tambe.
Mirando tur loke ta pasando, e no por conclui otro cu e reduccion di 60 miyon lo ta devastador pa cuido medico. Na e momento e paisnan, Aruba tambe, mester di delaster un enfermero of specialista. No por tin e luha di perde un di e profesionalnan aki cu reduccion den nan entrada.
A constata cu servicionan cu Aruba tabata duna ta bay perdi, basa riba decisionnan tuma na Den Haag y ta manda esaki pa Corsou. Cortando den gasto ta manca e servicio di cuido. Un situacion cu e politico ta lamenta, y mas ainda despues di scucha Raymond Knops bisa cu a informa cu mester corta 60 miyon di gasto, pero no a bisa na unda. E ta algo cu Aruba mester a dicidi riba dje. Pues gobierno a dicidi cu ta den cuido medico ta bay corta. “Esaki ta cosnan cu Arubianonan no por acepta. Loke nos tin aki, mester hacie aki. Awe un biaha mas decisionnan ta wordo tuma otro caminda y nos ta sucumbiendo pa esey,” Eman a bisa. No solamente ta kita di Aruba loke e por haci y ta dolarisando e isla tambe.
