Directora di Censo, Sharine Luydens a bisa cu e ta contento cu e caso a yega te dilanti corte, ya cu e ta kere den derecho di privacidad. E articulo di ley aki, ta anticua den sentido cu e articulo aki ta traha tempo cu no tabata tin identidad. Es tempo ey e partidonan tabata manda checkernan pa wak si hendenan di bario di berdad ta bay vota.
Pero awendia esey no ta existi mas awendia. Ta conoci cuanto hende tin pa cada urna, ta conoci cuanto nan ta y via Registro di Votado (kiezersregister) no por saca afo nunca si e persona tin derecho di voto. No por controla si e tin 30 dia inscribi na Censo of cu e ta Hulandes.
CONSEHO ELECTORAL
Partido AVP a cuminsa un caso en bista cu nan tabata kier e registro di votadonan completo y digital. Como presidente di Conseho Electoral, Glenn Thode, en principio e proceso di votacion, ken tin derecho di vota y ken a vota un solo biaha, esaki no ta necesario mas pa tercera persona tin acceso na henter e base di dato, cu tanto informacion personal, priva cu ciudadanonan di Aruba, ta mas di 70 mil ciudadano cu si nan vota of no pa AVP, si pidi pa e registro completo. Esey kiermen cu tur nan datonan personal ta bay na e partido aki of cualkier otro partido cu pidie.
Segun Thode, si duna acceso na e database digital aki, kico ta pasa cu ne? Kisas ta analisa via fam, un parti di demografia. Es decir derecho constitucional di ser humano ta fundamental. Den e desaroyo aki, no ta comparti tipo di informacion aki mas si no ta sumamente importante pa un comunidad democratico. E no ta necesario mas.
