Awe tardi pa 6:27pm a detene un adicto ambulante den Rembrandstaat na San Nicolas. El a kibra den un auto marca Nissan modelo Almera color blanco. Na tur e ladron a logra horta solamente Afl. 9,50 cu tabatin den e auto. Pa colmo e no a haya chens pa gast’e tampoco pasobra pa ora Polis a deten’e, ainda e tabatin e mesun suma ey larga den su saco di carson.
Di acuerdo cu procedura y nos codigo di procedimiento penal, a deten’e na e sitio, a bis’e su derechonan, bistie su tapaboca y a transport’e pa Warda di Polis San Nicolas pa eynan present’e dilanti un Fiscal Auxiliar cu tin den su poder e decision pa dicidi riba su libertad of no. E adicto conoce henter e procedura aki fo’i cabes pasobra no ta prome biaha cu ta detene.
