Kustwacht cu Polis a haci detencion riba lama y tera na Arashi marduga

Diamars marduga pasa di mey anochi boto a drenta na Arashi y baha hendenan illegal. Kustwacht a capta e contacto riba radar y ora cu nan a Sali a topa cu e boto riba lama bayendo zuid bek.

A bati alarma na Polis y mesora Polisnan a mobilisa. E patruyanan a yega mesora pa cuminsa un buskeda. Despues tambe a logra saca helicopter cu tabata bula buscando. E Polisnan riba caya ta esnan cu a logra haya e ilegalnan. E lus di e helicopter ta hopi zwak pa e tipo di buskedanan aki.

Kustwacht cu Polis a haci detencion riba lama y tera na Arashi mardugaDiamars marduga pasa di mey anochi boto a drenta na Arashi y baha hendenan illegal. Kustwacht a capta e contacto riba radar y ora cu nan a Sali a topa cu e boto riba lama bayendo zuid bek. A bati alarma na Polis y mesora Polisnan a mobilisa.

Posted by 24ora on Tuesday, August 20, 2019

Asina mes a keda bula rond pero no a yuda masha den anochi. Mas bien e habitantenan tabata keha cu nan no por sosega. Polisnan a keda basta ora cu nan buskeda buscando e ilegalnan. Riba lama Kustwacht a haya e boto y a detene e capitan y tambe su ayudante. Na tera Polisnan a haya tres illegal. A hiba tur warda di y despues a keda di hibanan na Guarda Nos Costa. E capitan y su ayudante si lo keda cera pa mensen handel mensen smokkel. Nan lo pasa e proceso di interogacion y mester presenta dilanti hues. Loke no por a confirma ta cuanto hende total a drenta y kico mas nan por a drenta cune. Si a bin droga cu arma no ta conoci. Un boto asina no ta trece solamente tres pasahero den forma illegal.

Comments

comments