Diadomingo 28 di october pa 10:25AM, Kustwacht Aruba a haya informacion di Rescue & Coordination Center Curacao (RCC) cu a señala un boto cu problema di motor na San Nicolaasbaai na altura di Reef Berth 2. Mesora e boto di patruya SR-10 a sali den direccion di e boto.
Pa 10:45AM a encontra e boto ‘Mourik’ y a touw esaki direccion di Commandeursbaai y pa 11:45AM a mara e boto na ‘Pier di Garcia’.
Asina por mira cu e trabounan di Warda Costa di Caribe Hulandes ta encera mucho mas cu combatimento di arma, droga y traficacion di hende. Nan ta hunga un rol importante tambe den brinda ayudo na botonan den problema riba lama.
