KFC ta gusta inverti den nos comunidad, den su clientenan, pero awor aki a tuma lugar pa inverti den su empleadonan. Recientemente e empleadonan di KFC tabata parti di un seminario unda cu nan a siña hopi cos pa engrandece nan mes den e area personal. Cu e meta cu esaki lo tin un influencia positivo den e laboral.
KFC ta kere cu si su empleadonan ta sinti bon cu nan mes, esaki por wordo refleha den e area laboral y asina sigui ofrece un miho servicio na e clientenan cu ta bishita un di nan restaurantnan.
E seminario a wordo brinda door di señora Sarai Zerpa cu ta un Psicologico. E ta duna seminario na diferente grupo pa siña conoce nan mes mihor, conoce nan debilidad, fortalesa y a toca temanan manera inteligencia emocional. Esaki tambe tabata un oportunidad pa reconoce varios empleado cu a resalta durante e ultimo tempo. Unda cu e empleadonan a haya varios premio y regalo.
Cada store na KFC ta consisti di crew, cook, shiftmanagers y RGM’s. Na final di dia nan ta carga full e responsabilidad di cada store. Resultadonan ta wordo duna y esaki ta bay via e programa di GES. E GES ta e forma cu e cliente ta duna su comentario tocante e restaurantnan y empleadonan. Esey ta yuda KFC pa siña mas y pa mehora nan mes mas tambe. E cliente ta haya un link riba e recibo y asina por yena e encuesta. Na final e cliente ta haya un ijs cream gratis.
Management di KFC ta gradici su empleadonan cu a asisti e seminario y ta kere cu esaki lo yuda nan sigui brinda un miho servicio na e comunidad di Aruba. Clients do not come first. Employees come first. If you take care of your employees, they will take care of your clients – Richard Branson
