Djabièrnè 22 sèptèmber 2017, alrededor di 1 or di mardugá, Sentral di Polis a risibí notifikashon di un kaso di hinkamentu ku a tuma lugá na Monte Verde.
For di un investigashon preliminar ku polis a hasi na e sitio a resultá ku e hòmber víktima di 54 aña di edat tabatin problema ku un dama. E dama sospechoso S.L.W., 44 aña di edat nasé na Santo Domingo, a propiná e víktima un hinká na e parti ariba di su kurpa. Despues di su akto e sospechoso a bandoná e sitio. Tambe e víktima tabatin un herida na e parti abou di su pia robes kual tabata mordé di un kachó. Ku ambulans a transportá e víktima pa poliklínika di SEHOS pa tratamentu médiko.
Investigashon den e kaso ta kontinuá.
