E homber Josmar v/d Biezen cu polis a detene algun dia pasa na Tanki Leendert ta bek den libertad. Ta sospecha cu e homber a mishi cu un menor di edad. Ta un caso di basta tempo pasa, pero cu awo autoridad a actua.
Nan tin hopi caso pa atende cu tin di haber cu inmoralidad y mayoria cu menor di edad. Pa falta di personal ta dura pa atende cierto caso. Hopi biaha ta presenta otro caso cu ta mas urgente pa atende. Esun di Josmar mes, ta parce algo di mas cu tres aña pasa. Despues di su detencion el a keda dos dia cera y djey husticia a dicidi di lag’e bay cas.
Ministerio Publico a informa 24ora cu a laga Josmar v/d Biezen bay, pasobra e motibonan pa tene ta insuficiente. Tambe Ministerio Publico a informa cu Josmar ta keda un sospechoso, mientras cu e investigacion tambe ta continua. Ta dos articulo di codigo penal ta loke Ministerio Publico a uza pa detene Josmar. Ambos articulo tin di haber cu acto inmoral contra menor.
