E caso di Arubahuis ta andando pa casi dos aña. Pero, Prome Minister mr. Evelyn Wever-Croes ta gaslight diferente hende na momento cu confront’e pa splica e berdad.
Marisol Tromp, lider di MAS, a indica cu ora Evelyn Wever-Croes tin di splica e berdad, e ta manipula y tira culpa riba otro, pone e atencion riba otro y su mes no sa di nada. Asina aki e ta purba di kita di su responsabilidad.
Tromp no a trata solamente e rapport, pero tambe ta mira e proceso cu a tuma luga. El a yega di cuestiona esaki caba. Di sa di un caso cu e cosnan iregular cu credit card, cu ta placa di pueblo. Arubahuis ta cay bou di Evelyn su cartera desde aña 2017, no ta di awo. E mandatario tin e cartera aki pa shete aña caba.
E ora con ta posibel cu cos asina ta sosode y “abo ta permiti” pagamento ta tuma luga bek di suma.
Parlamentario Tromp ta puntra riba e echo cua ta e ambtenaarnan na Aruba cu a haya e oportunidad pa paga bek. Ora cu haya tipo di caso asina aki, no ta prome bes algo asina a pasa, pero e biaha aki ta c’un minister, cuanto di nan a haya e oportunidad pa paga bek? Y den e caso ey keda na nan trabou, sigui sinta den e funcion, sigui asina ey te ora e investigacion ta cla. Hende mester bin di afo pa check cu nan, papia cu nan, masser aki masser aya. E rapport no ta cla ainda. Despues di practicamente dos aña, ya cu ta 2024, ainda e caso aki no a termina.
Pa mas lesa TREMPAN.COM.
