E situacion cu drs. Jerry Staring ta aden, ta hopi lamentabel, doloroso y inecesario tambe. Semper el a traha cu hopi orguyo y cu hopi placer na Departamento di Salud Publico. El a traha hopi bon cu su coleganan. Tin cierto inkietud cu a cuminsa bin dilanti despues cu un website of un blog di noticia a bin cu un articulo sin fondo. Algun dia despues el a wordo manda cas. Ta spera cu esaki por pasa pronto pasobra no ta necesario.
Staring kier traha bek na DVG
A cuminsa cu un reto hopi dificil. Ora cu el a cuminsa na DVG tabata tin 20 aña sin director. Tabata un periodo cu mester a bin cu diferente structura, reglanan di personal, ziektemelding, verzuim, plan di formacion y asina por keda bay. Hopi di e documentonan aki, no ta den man di e Sirector. Por ehempel e formatieplan ta di DRH y locual e directie mes ta haci, ta asisti DRH cu e documento. Semper esey a wordo haci, hunto cu tur e hoofdnan van dienst. DVG tin 17 diferente departamento cu ta cay bao di dje. No ta tur 170 hende ta bay keda contento. Esey ta un hecho, pero segun Staring, e gran mayoria tabata riba un caminda basta pisa, pero un bon caminda si.
Ex coleganan
Staring a menciona cu no ta bay papia di redashi. E no sa mucho bon kico ta pasando. E no a wordo informa ken ta bezig ta haciendo e investigacion, pero ta obvio cu tin ex coleganan cu ta purba influencia e locual ta sosodiendo awor den e departamento.
Minister no a papia cu Staring
Tabata tin un rueda di prensa. Despues a sinta papia abiertamente. No tabatin ningun tension. Pero despues e siguiente dia el a haya carta cu e mester a bay cas. Ainda Staring no a wordo informa exactamente kico nan kier investiga contra di dje.
No tabatin wederhoor
Den tipo di casonan asina, unda cu tin un supuesto keho, semper mester cana e proceso di “hoor en wederhoor”. Den su caso nan no a ni informe kico tin ainda contra dje ni ken a duna keho y ni kico e kehonan ta contene. Te ainda no tin un wederhoor. Ningun hende no a tuma contacto cun’e.
Fastioso y doloroso
Pa Staring henter e situacion aki ta hopi doloroso. Ora cu solicita pa un puesto, como director di DVG, e ta un posicion cu ta bin cu su presion. Esey no ta ningun problema, e ta menciona. Pero cosnan cu a pasa cun’e ta hopi doloroso y inecesario.
Jerry Staring a pasa den un proceso di mas cu un aña di solicitud. Tabatin un grupo grandi di hende cu a solicita. Tabatin brievenrondes, tabatin combersacion cu e comision di solicitud. Despues di dos dia largo di testnan psicologico y despues cu el a wordo nombra como director, a keda wordo forma pa un secretario di estado di Hulanda pa un aña largo, e ta sinti su mes bon prepara. E tin su experiencia di trabao y e tin su experiencia na DVG. E ta hopi doloroso ora bo ta pasa den un presion asina. No solamente p’e, pero pa su famia tambe.
