Riba 21 di September, dia Mundial di Paz, JCI Young Active Leaders of Aruba conhuntamente cu UNESCO Aruba a organisa un Peace Walk. E caminata aki ta pa conscientisa y reflexiona riba e palabra Paz.
Kisas nos dushi isla no conose guera y otro formanan extremo cu por stroba e paz den nos comunidad pero si nos por ta mas amical cu otro, tin mas paz den nos hogar, den famia y tambe paz den mente. Diabierna atardi pa 5 or a cuminsa aglomera na Linear Park. Participantenan a bin na blanco manera a ser pidi. E grupo a consisti di participantenan di entre otro consuladonan na Aruba, club deportivo y tambe nos minister di Enseñansa, Ciencia y Desaroyo Sostenibel sr Dr Armando Rudy Lampe, encarga cu UNESCO, a bin cana pa aporta na conscientisacion di e dia importante aki. A cuminsa cu un warming up duna door di sra Candi di IBISA pa asina prepara e curpa pa e caminata. Despues di e tremendo warming up a start pa cana bay direccion pariba, casi te na Brandweer.
Riba ruta di e 3K a parti stickers di e tur 17 Sustainable Development Goals. A finalisa e caminata na Plaza Simon Bolivar. Aki tur presente a forma un Human Peace Sign. Mundialmente a celebra e dia aki y Aruba tambe a forma parti di esaki. Tambe a saca e doorprizes y ta invita tur pa pone nan potret y #peaceispossible pa un premio cu lo ser saca e fin di e siman aki. Un danki ta bay pa nos sponsors cu a hasi e Peace Walk possible: Setar NV, Andina Ice, IBISA y tambe na Precision Printing, fotografonan di Bo Potret, sr Stan Dabian y SDG Committee pa nan contribucion. Sin lubida e comishon organisatorio y tur boluntario cu a yuda pa e evento bay exitosamente. Like e facebook-page di JCI Young Active Leaders of Aruba como tambe esun di UNESCO ARUBA pa haya sa mas di tur dos organisacion como tambe pa keda informa di proyectonan y actividadnan.
