Jaydon Dania di Corsou lo bin Aruba pa participa den evento di AruBox diasabra awo

Riba diasabra, dia 16 di Maart, AruBox (Aruba Boxing Association), ta organisa su evento pa Himno y Bandera. E hoben Jaydon Dania, di 14 aña di Baas Sports ta representa CuraBox (Curacao Boxing Association) den ring.

Jaydon cu su 72 kilo en realidad, un middleweight (69-75 kg), lo mester come extra pa asina e por bringa na Aruba contra Xaviee Briesen, di 16 aña den e clase Light Heavyweight (75-81 kilo).

Pa haci e biahe di Jaydon y su trainer/coach Edwin Baas, pa Aruba posibel, tabata na encargo di Jan Thiel Beach y Livingstone Jan Thiel Resort, cu a sponsor e pasashinan.

Edwin Baas a reconocemento di e sponsornan. “Door di e ayudo di Jan Thiel Beach y Livingstone Jan Thiel Resort, Jaydon ta haya e oportunidad pa participa na e punto di encuentro internacional aki y por sigui desaroya. Jaydon merece e chens aki door di su entrenamento, motivacion y input.”

Comments

comments