Na Januari a pasa e pelicula “Why we Cycle” na Aruba y recientemente a cuminsa cu e campaña di Aruba Bike Party na Boston pa dia 20 di Juli proximo. Tambe a rebiba Stichting Schoolverkeersexamencommissie Aruba.
Fuera di esey, e prome siman di ciclismo ta premira pa tuma luga pa final di November. Tambe ta tuma tur tipo di iniciativa pa tanto amantenan di ciclismo na Aruba, como tambe companianan como e ciudadanonan entusiasta na Aruba y Merca a wordo tuma pa asina duna ciclismo na Aruba ainda mas estimulo.
Esaki ta na interes di salud, deporte y turismo. E iniciativanan aki ta deriva di e cooperacion entre gobierno di Aruba y gemeente Den Haag. Riba iniciativa di Minister Lampe, minister di Enseñansa y Desaroyo Duradero, esaki ta haya un continuacion nobo. Na Juni 2017, minister Lampe, den nomber di gobierno di Aruba, a reuni cu e director di su colega na Den Haag, parlamentario Bruines (Enseñansa, Kenniseconomie y Asuntonan Internacional) y a palabra pa sigui den e cooperacion.
E continuacion aki awo ta haya un forma concreto pa acoge e educacion riba bicicleta den scolnan basico manera Pius X y Santa Filomena pa aña escolar 2019-2020. Tambe ta desaroyando un liña di educacion ambiental y di naturalesa. E experiencia y paketenan di les cu e municipio di Den Haag a desaroya, ta forma asina e base. Ministerio Hulandes di Asuntonan Interior y Asuntonan di reino y Enseñansa y Ciencia, ta stimula e cooperacion entre e paisnan dentro di Reino y un municipio Hulandes y e sosten di e iniciativa aki.
