Awe mainta Jason Mathilda a scucha su sentencia, despues cu algun siman pasa fiscal a haci un demanda caba. Hues a conden’e awe na nuebe aña di prizon y mara su tras na TBS, pues cu e lo keda interna den un instituto cera te dia cu psykiater diagnostic’e cu el a cura di su enfermedad y/of trastorno mental.
Jason Mathilda no ta desconoci den comunidad. Y no ta prome biaha tampoco cu e ta haya su mes envolvi cu husticia. El a yega di haya su mes envolvi den un caso di atraco. A hay’e culpabel den Corte di Prome Instancia pero Hof a lag’e liber pasobra e pruebanan no tabata suficiente. Pero prome cu e caso ey, ya e tabata envolvi caba cu husticia.
Aña pasa den luna di november, el a hala atencion di tur hende ora cu pa oranan largo el a mantene polis ocupa persiguiend’e riba lama. El a horta un jetski y a keda nabega cu esaki pazuid di Aruba y finalmente ora cu gasolin a caba cu ne, polis a logra deten’e.
Pero e caso pa cual a hib’e dilanti mesa berde, a tuma luga dia 13 di december 2021. Riba e fecha ey el a hinca / tira su tata, Eugenio Mathilda di 54 aña mata na un cas na Rooi Bosal. E mes a transport’e pa hospital. A detene Jason na entrada di Hospital mes. Na un prome instante el a nenga cu t’e a mata su tata pero despues a admiti parcialmente.
Pa e articulo completo, lesa e edicion di TREMPAN di mañan.
