Recientemente Island Finance Aruba a anuncia nan gran projecto yama “Sports with Love” pa aña 2019. “Sports with Love” ta un projecto cu pa algun aña caba Island Finance ta haci pa asina duna bek na nos comunidad.
E projecto aki ta enfoca riba scolnan pa asina yuda nos muchanan haña mas material pa ora di hunga y haci ehercicio.
E aña aki, scolnan por a manda nan deseonan aden y na final Island Finance a scoge 4 scol pa asina haci entrega di e articulonan cu nan mas tin mester. E campaña a resulta uno sumamente exitoso cu un total di 12 peticion di differente scol , pero e ganadornan a resulta: Scol Paso pa Futuro, Juliana School, St. Rosa College y Home School Paradera.
Cu hopi placer Island Finance a bishita e scolnan pa asina haci entrega official di nan articulonan. E prome mainta tabata uno hopi ameno na Scol Paso pa Futuro y tambe na Juliana School hunto cu alumnonan y docentenan di e scolnan cu tabata sumamente content cu tur e articulonan ricibi.
Durante e di dos dia, a bishita Rosa College y tambe Home School Paradera.
E scolnan e aña aki a ricibi entre otro, balanan di tennis, basket, trefbal, basketball, volleyball, voetball, rugby, pilon, cabuya pa bula, net di volley, racketnan di tennis y muchu mas. Sra. Ivy Simon, Country Manager di Island Finance Aruba a duna di conoce cu : ”Island Finance ya caba ta casi cumpli 40 aña riba nos isla, y ta un placer pa por duna bek na comunidad. Banda di e projecto aki, ya caba Island Finance a haci varios campaña durante 2019 manera Back to School y tambe Scholarship hunto cu Universidad di Aruba.
Sinembargo ainda Island Finance tin mas projecto na caminda pa asina sigui yama danki na nos comunidad pa tur añanan di sosten y confiansa.”Pa mas informacion di Island Finance por subi e pagina di Facebook: Island Finance Aruba
