E siman aki Polis a detene un homber di nacionalidad Venezolano relaciona cu un caso di secuestro y menasa cu arma di candela. Ta un caso serio, den cual a yega na cas di doñonan di Artphoto na Jaburibari y secuestra e yiu muhe, menas’e cu un pistool y hib’e un mashin di ATM pa e lanta placa pa e homber. Polis a start cu un investigacion mesora y dialuna trempan a detene e homber, pa e duna cuenta pa su acto.
Di acuerdo cu nos fuentenan, ta trata aki di un relacion amoroso cu a bay robes. Na dado momento e mucha muhe no tabata kier tin nada mas cu e homber y a bay Hulanda pa un tempo. Esaki pa motibo cu el a bira victima di stalking. Pero, e homber no a “give up” y ora cu e mucha muhe a regresa, e homber a logra penetra den su camber di apartament den cura di cas di su mayornan y menas’e cu un arma cu e lo mat’e. Bou di e menasa aki mes a hiba e mucha muhe pa lanta un suma di placa na ATM.
Di eynan el a bati alarma mesora y a start un investigacion cu a culmina den detencion di e sospechoso. Kico ta e motivacion di e homber pa tuma e paso aki no ta conoci. Ta mustrando un caso di jaloezie, pero e hecho cu ta uzando arma di candela, menasa y soborno, ta haci e caso aki penalmente serio y cu tur e consecuencia di ley pa e homber obsesiona tras di su ex pareha.
