Dialuna atardi, den careda di 1:15PM, a tuma luga un accidente basta fuerte entre un Nissan Sentra y un Truck riba caminda grandi di Sero Biento, Hooiberg. Na haltura di e crusada di Well Well Bar.
Locual por compronde ta cu e truck tabata na e crusada pendiente pa subi caminda grandi. E auto biniendo riba caminda grandi a pone señal pa bira pero pa un motibo of otro a dicidi diferente y a sigui core y no a bira. E truck di su banda tabata subiendo caminda caba pensando cu e auto tabata di bay bira.
No por a evita e impacto mas. E Nissan a bay dal den e truck na su banda drechi. E truck no a ricibi mucha daño pero no por bisa mescos di e auto. Bastante daño material y lastimamente e chauffeur a resulta herida. A pidi ambulance na sitio pa atende cu ne.
Pa mas informacion subi corant TREMPAN cu awe a lansa su prome edicion oficial digital riba mercado. Subi e website www.trempan.com, yena bo nomber, email, etc. y ricibi bo corant GRATIS di dialuna pa diasabra, pa lesa for di computer, tablet of celular y keda bon informa! http://bit.ly/39FBqyb
