E muchanan di Impact Taekwondo Sport & Martial Arts Foundation di Monica Pimentel, tabata un tiki mas p’ariba di e rotonde di Tanki Flip, ta recauda fondo pa asina nan por logra recauda suficiente fondo pa nna por participa den Orlando Open otro aña y representa Aruba.
Segun Monica Pimentel, e muchanan ta traha hopi duro, nan ta train duro y ta sobresali den e competencianan nacional.
Pa e motibo aki, a tuma e iniciativa pa organisa un Funwalk dia 4 di November, cual lo sali for di di Fisherman Hut, pa 6’or di mainta y lo meet up pa 5’or y mey di mainta.
E ta un caminada di 5 kilometer. Pa solamente 5 florin bo por haya bo ticket y alabes aporta na e hobennan aki por bay competi den exterior.
Ainda tin chens pa por cumpra bo ticket te cu 6’or di atardi. Di e manera aki por contribui cu e meta noble aki.
Tambe por tuma contacto riba nan pagina di Facebook Impact Taekwondo Aruba, of por paga na Silk & Cotton y cumpra e ticket pa 5 florin pa asina participa na e caminata di dia 4 di November.
Fuera di e recaudacion di fondon aki, nan lo bay tin mas actividad.
Dia 28 di October, nan lo bay tin un Carwash na Do It Center na Camacuri, for di 9’or di mainta te cu 6’or di atardi, caminda cu e muchanan lo laga boso auto limpi limpi, tambe recauda fondo pa e mesun causa aki.
No duda, pasa cerca e hoben atletanan aki, busca bo ticket y contribui na un bon causa.
