Diadomingo merdia den careda di 2’or, banda di Veld di Winston, doño di auto a bin haya su auto cu a wordo horta for di dilanti su apartamento na Santa Cruz. El a wordo horta diahuebs den madruga. Via un amigo a bin localisa e auto.
Ta un Hyundai Sonata shinishi. E tabata den e parkinglot na banda di veld di Winston. A kibra e glas patras y asina a logra “hotwire” e auto bay cune. A bin haya e auto sin plachi number indicando cu e malhechornan a kite despues cu no ta tin uso mas pa e auto. Polis a bin na e sitio y tuma tur datos. Takelwagen a bin buske e auto pendiente investigacion. Ora cu a horta e auto diahuebs a entrega keho. E auto tabata tin number A-74311 riba dje.
