E cantante Ily despues di su exito “Un anochi so” ta pone den circulacion su di dos tema promocional. Ily, semper a participa den diferente Festival di Cultura. Su amor pa cultura a cuminsa for di su infancia y semper cu e haya oportunidad pa participa e lo hacie tambe.
Su participacion n’e festivalnan aki el a logra di yega di ta riba e lista di finalista.
Pa Ily canto, ta su terapia y un forma di por un expresa su sentimento di forma explosivo, su prome biaha riba escenario tabata na edad di 17 aña y esey tabata e “Jump start ” pa tuma canto mas na serio.
T’e asina leu cu el a dicidi di tuma e pen y skirbi su prome composicion na su mes sobrina p’e por participar na un festival, tras di su nomber tin e obra titula “Dun’e un man”, “Strey a Cora” entre otro.
Pero su pen no a para keto na lo cultural, tabata dos (2) aña pasa den pleno pandemia cu el a cuminsa compone pa ensambla esaki den diferente genero. Cu tur e composicionnan aki den su man el a acerca diferente areglista pa elabora e parti musical pa cada obra.
Por ehempel, su tema “Un anochi so”, e areglo tabata den man di Candred ‘Shuby’ Lanoy y den e tema nobo aki “Sigui bay” e arreglo ta ensambla pa Migi Boss.
E otro proyectonan musical cu Ily tin prepara lo conta cu e colaboracion di entre otro Dwight Leoneta y Denny Loefstop, pero Ily a pone bon cla cu e otro proyecto nan musical lo ta completamente varia.
Mester remarca cu su prome tema promocional a yega di posiciona su mes number #1 riba “Hashtah #18”, “Bomb di siman na Blue 107.5 FM”, “Plataforma Farandulero” Top 5 di aña na Boneiro, nomina tambe p’e premiacion “Wiri di Oro” banda di Buleria, Jell-yz y Shine Music.
Tambe el a figura den “Top 100” di aña na diferente stacion di radio.
Su tema nobo “Sigui Bay” ta relata un situacion cu kisas por a pasa directo of indirectamente cu bo mes of bo entorno.
Ily ta duna un descripcion di su tema nobo cu ta como lo siguiente: “Esaki ta bay tocante di un relacion nobo y e ex-pareha ta keda insisti den e relacion actual, pero n’e mesun momento tin un otro storia hinca den otro. Un pareha cu a bay introduci su chick na su mayornan y e mama no ta keda contento cu su yiu y no kier p’e relacion sigui. Pero toch e yiu homber ta dicidi di continua su bida/relacion cu’e chick a pesar di no tin e aprobacion di su mama. Den e videoclip, filma y produci completamente door di Dani Cruz. ta ilustra un caso hipotetico di e storia”.
