Ta varios ilegal ta pasando den e proceso di deportacion. E departamento di Guarda Nos Costa ta moviendo den oranan druk di dinner pa asina controla si e negoshinan tin trahado no local cu permiso. Durante e control di Guarda Nos Costa na Don Jacintho a topa cu trahado stranhero sin permiso. Durante e control a bay tambe entre otro na Kikoriko na Tanki Leendert.
Ambos restaurant ta di mesun doño. Eynan tambe a haya trahado di exterior sin permiso di trabou. Tur a bay pa Guarda Nos Costa unda a pasa e proceso legal pa asina ta pendiente pa deportacion. Esnan cu tin restaurant of otro negoshi cu stranhero sin permiso di trabou, mester tene cuenta cu esaki por tin consecuencia pa e doño. Ta hopi placa por haya na multa pa cada trahado cu status ilegal. Miles di florin na multa administrativo.
