E pregunta cardinal pa Aruba ta si prijs di awa y coriente ta bay subi si of no. E minister di energia a bisa cu e prijs di esakinan no ta bay subi. Di otro banda prome minister si a bisa di basta tempo a mira cu esey lo pasa. Ambos mandatario ta contradeci otro.
Minister di Energia, Glenbert Croes, a bisa den parlamento cu nan ta haciendo lo posibel pa tene prijs di awa y coriente na e nivel a base di cual ta hedge na 45 dollar di aña pasa.
Prome minister, Evelyn Wever-Croes, a bisa cu nan ta trahando riba e prijs. E ministernan Geoffrey Wever, Xiomara Maduro y su persona tabata den reunion e siman aki. Nan a laga haci varios calculacion pa mira con por mitiga e impacto. El a bisa desde cu e conflicto arma a cuminsa luna pasa, aki no ta bay tin efecto dje primario esta bombardeo, pero si efecto secundario.
Desde e momento ey el a pidi pa cuminsa prepara p’esaki. Con por ta mas spaarzaam pa por spaar un poco mas, pasobra con cu bay bin ta tempo di guera por drenta. Si ta drenta guera, e ora mester ta mas prudente con pa gasta e placa. E tempo ey a anticipa cu prijs di awa, coriente y gasolin lo aumenta.
Pa mas lesa TREMPAN.COM.
