Dentro di poco por ehecuta e maneho penal riba actonan sexual den Caribe Hulandes tambe. Minister Ferd Grapperhaus di Husticia y Siguridad na Hulanda a manda e amienda necesario pa Parlamento (Tweede Kamer).
Na principio di e aña aki, un Hues na Boneiro a declara un sospechoso di violacion di un dama liber. Posiblemente debi na consumo di alcohol cu consecuencia cu e tabatin un impotencia mental of fisico y no tabata por a resisti. E victima toch tabata por a duna keho. Debi na un omision cu a surgi como resultado di falta di atencion na momento di introduccion di e Codigo Penal pa islanan BES na 2010, e Hues no tabatin mas opcion cu declara e sospechoso liber.
E veredicto aki a hiba na varios pregunta por escrito di e Parlamentarionan di Tweede Kamer, Joba van den Berg y Chris van Dam, ambos di CDA na Minister Grapperhaus, kende a priminti di drecha e fout aki rapidamente dentro di dos luna di tempo. Alabes a priminti di drecha e Codigo Penal (wetboek van strafrecht) cu algun punto pa asina e ley penal keda alinea cu esun di Aruba, Corsou y Sint Maaten.
Segun e Minister di Hulanda, e diferencianan “indeseabel” actual tambe crea pura pura na aña 2010, ta referi na “podernan special di investigacion”.
E amienda ta regula entre otro cosnan cu e defensa por conta cu e disponibilidad di documentonan procesal di manera oportuno, por suspende e detencion preventivo contra pago di un deposito y ta impone limitenan na Polis cu ta observa e sospechosonan.
