Durante reunion di diabierna 5 di juli ultimo, Conseho di Minister di Reino a bay di acuerdo cu e peticion di Prome Minister Evelyn Wever di Aruba pa pospone tratamento di e ley nobo di Laft te despues di vakantie. Tambe presente na e reunion aki tabata Minister Plenipotenciario, Guillfred Besaril y Secretario di Estado pa Asuntonan di Reino, Raymond Knops.
Minister Besaril a bisa despues di e reunion di ta hopi contento cu e acuerdo aki: “E decision pa wanta e punto aki di agenda te despues di reces ta duna tanto Aruba como Hulanda e espacio necesario na explora un alternativa riba e tematica. Den cuadro di transparencia financiero y bon gobernacion, Aruba ta comprende y comparti e pensamento di Hulanda cu mester tin control. Ta e forma con esaki mester sosode ta e punto cu mester keda discuti. Paso e forma mester ta di acuerdo cu e normanan internacional, pero na mes momento respetando nos constitucion. Tin confiansa den nos Gabinete, ta trabou nos di Aruba mester haci di e espacio ofreci”, asina Minister Besaril a termina.
